АРЫС ҚАЛАСЫНЫҢ 8-ШІ СЕКТОРЫНДА ҚҰРЫЛЫС ЖҰМЫСТАРЫ ЖАЛҒАСУДА

Қазіргі таңда Арыс қаласында жарылыстан зардап шеккен үйлерді қалпына келтіру жұмыстары жалғасуда. Бұл жұмыстарға 8-ші секторға жауапты Мақтаарал ауданы мен Шығыс Қазақстан облысы да белсенді қатысуда. 

8-ші секторға қарасты 5 үйдің құрылысы жүріп, 421 үйге жөндеу жұмыстары жасалуда. Сондай-ақ, 118 үйдің жөндеу жұмыстары аяқталған. Ол үшін Шығыс Қазақстан облысының 12 құрылыс компаниясынан 780 адамнан құралған жұмыс күші жұмылдырылған.

Мақтаарал ауданы әкімінің орынбасары Сәкен Сұлтанхановтың ұйымдастыруымен 8-секторда тазалық іс-шаралары қарқынды түрде жүргізіліп жатыр. Бүгінгі дейін 320 тонна күл-қоқыс шығарылған. Ол үшін арнайы 10 техника мен қызметкерлер жұмыс жасап жатыр.

Айта кетейік, Мақтаарал ауданы әкімдігінің мамандары Арыс қаласындағы 8-ші секторда төтенше жағдайдан зардап шеккен арыстықтарға 100 мың теңге көлемінде бір реттік өтемақы беру бойынша 675 отбасы, 3245 тұрғыннан құжаттар жинақтаған.

#арыспенбіргеміз
#мақтаарал
#мырзакент
#атакент

(с) Мақтаарал ауданы әкімінің баспасөз қызметі

Пікір үстеу

Э-пошта мекенжайыңыз жарияланбайды. Міндетті өрістер * таңбаланған